GHSS PAIVALIKENAGAR 11018

ಪೈವಳಿಕೆನಗರ ಶಾಲೆಯಲ್ಲಿ ಸಾಹಿತ್ಯ ಸಭೆಯ ಸಮಾರೋಪ

ಪೈವಳಿಕೆನಗರ, ಫೆ.27: ಪೈವಳಿಕೆನಗರ ಶಾಲೆಯಲ್ಲಿ ಯುಪಿ ವಿಭಾಗದ ಸಾಹಿತ್ಯ ಸಭೆಗಳ ಸಮಾರೋಪ ಸಮಾರಂಭ ಜರಗಿತು. ಸೋಮವಾರ ಅಪರಾಹ್ನ 1.15ಕ್ಕೆ ಶಾಲಾ ಮಾಧ್ಯಮ ಕೇಂದ್ರದಲ್ಲಿ ನಡೆದ ಸಮಾರಂಭದಲ್ಲಿ 7ಸಿ ತರಗತಿಯ ಅಸ್ಮಾ ಅಧ್ಯಕ್ಷತೆ ವಹಿಸಿದ್ದರು. ಮುಖ್ಯ ಶಿಕ್ಷಕಿ ಶ್ರೀಮತಿ ಶ್ಯಾಮಲಾ ಪಿ , ಶ್ರೀ ಅಬ್ದುಲ್ ಕರೀಂ ಸರ್ ಉಪಸ್ಥಿತರಿದ್ದರು. ಮನೀಶ್, ಸೃಜನ್ಯ, ಹರ್ಷಿತಾ, ಅನುಜ್ಞಾ, ಧನ್ಯಶ್ರೀ, ರಮ್ಯಶ್ರೀ, ಮಂಜೂಷಾ ಹಾಗೂ 6ನೇ ತರಗತಿಯ ವಿದ್ಯಾರ್ಥಿಗಳಿಂದ ಇಂಗ್ಲೀಷ್ ನಾಟಕ ಪ್ರದರ್ಶನಗೊಂಡಿತು. 7ಸಿ ತರಗತಿಯ ದಿನಕರ, ಮನೀಶ್, ಮಿಥುನ್ ಅವರಿಂದ ಪ್ರಹಸನ ನಡೆಯಿತು. ರಮ್ಯಶ್ರೀ ಸ್ವಾಗತಿಸಿ ಸೃಜನ್ಯ ವಂದಿಸಿದರು. ಸಾತ್ವಿಕ್ ನಿರೂಪಿಸಿದರು. ರೀಮಾ ಡಿಸೋಜಾ ಹಾಗೂ ಬಳಗದವರು ಪ್ರಾರ್ಥನೆ ಹಾಡಿದರು. (ಸಾತ್ವಿಕ್ ಎನ್ 7ಎ)