GHSS PAIVALIKENAGAR 11018

ಪೈವಳಿಕೆನಗರ ಶಾಲೆಯಲ್ಲಿ ಮುಗಿಲುಮುಟ್ಟಿದ ಹೊಸವರ್ಷ ಸಂಭ್ರಮಾಚರಣೆ

ಪೈವಳಿಕೆನಗರ, ಜ. 1 : 2015 ಕಳೆದು ನಾವಿಂದು 2016ಕ್ಕೆ ಕಾಲಿರಿಸಿದ್ದೇವೆ. ಹಳೆಯ ಕಾಲದ ಕಹಿ ಅನುಭವಗಳನ್ನು ಮರೆತು ಅದರಿಂದ ಪಾಠ ಕಲಿತು ಹೊಸ ವರ್ಷದಲ್ಲಿ ಹೊಸ ಕನಸುಗಳೊಂದಿಗೆ ಹೊಸ ಗುರಿಯತ್ತ ಸಾಗುವ ಪಯಣ ಆರಂಭಿಸುವ ನವಚೇತನ ತರುವ ದಿನ. ಡಿಸೆಂಬರ್ 31ರ ಮಧ್ಯ ರಾತ್ರಿ ಪ್ರಪಂಚದೆಲ್ಲೆಡೆ ಹೊಸವರ್ಷವನ್ನು ವಿವಿಧ ಸಂಭ್ರಮಾಚರಣೆಗಳೊಂದಿಗೆ ಆಚರಿಸಲಾಯಿತು. ಪೈವಳಿಕೆನಗರ ಶಾಲೆಯಲ್ಲಿ ಆಚರಣೆಯ ಝಲಕ್ ಗೆ ಕಳೆಯೇರಿತ್ತು. 8ಡಿ ತರಗತಿಯಲ್ಲಿ ನಡೆದ ಕಾರ್ಯಕ್ರಮವನ್ನು ಮುಖ್ಯೋಪಾಧ್ಯಾಯಿನಿಯಾದ ಶ್ರೀಮತಿ ಶ್ಯಾಮಲಾ ಉದ್ಘಾಟಿಸಿದರು. ವಿದ್ಯಾರ್ಥಿ ನಾಯಕರಾದ ಪ್ರಜ್ಞಾ, ಮನೋಜ್, ಕಾರ್ತಿಕ್ ಉಪಸ್ಥಿತರಿದ್ದರು. 8ಸಿ ತರಗತಿಯಲ್ಲಿ ಪೂಜಾ ಕುಮಾರಿ, ಕಾರ್ತಿಕ್, ಅಕ್ಷಯ್ ನೇತೃತ್ವ ನೀಡಿದರು. 8ಎ ತರಗತಿಯಲ್ಲಿ ಧ್ವಾನಿಷ್ ನೇತೃತ್ವ ನೀಡಿದರು. ಅಪರಾಹ್ನ 2.00 ಗಂಟೆಗೆ ಐಟಿ ಲ್ಯಾಬ್ ನಲ್ಲಿ ನಡೆದ 9ಎ ಮತ್ತು 9ಸಿ ಜಂಟಿಯಾಗಿ ನಡೆಸಿದ ಕಾರ್ಯಕ್ರಮದಲ್ಲಿ ತರಗತಿ ನಾಯಕರಾದ ನಫೀಸತ್ ಆಫ್ರೀದಾ, ಜ್ಯೋತಿ, ಮೊಹಮ್ಮದ್ ಶಾಹಿರ್, ನವಾಝ್ ನೇತೃತ್ವ ನೀಡಿದರು. ಪ್ರಣೀತಾ ಮತ್ತು ಬಳಗದವರು ಸಮೂಹ ಗೀತೆ ಹಾಡಿದರು. ಎಲ್ ಪಿ ಸಭಾಂಗಣದಲ್ಲಿ ನಡೆದ ಕಾರ್ಯಕ್ರಮದಲ್ಲಿ ಮುಖ್ಯೋಪಾಧ್ಯಾಯಿನಿ ಶ್ರೀಮತಿ ಶ್ಯಾಮಲಾ ಶುಭಹಾರೈಸಿದರು. ಹಸೀನಾ ಟೀಚರ್ ನೇತೃತ್ವ ನೀಡಿದರು. ಹಿರಿಯ ಶಿಕ್ಷಕರಾದ ಶ್ರೀ ರವೀಂದ್ರನಾಥ್ ಕೆ.ಆರ್, ಶ್ರೀಮತಿ ಶಶಿಕಲಾ ಮುಖ್ಯ ಅತಿಥಿಗಳಾಗಿ ಭಾಗವಹಿಸಿದರು. ಗೋಪಣ್ಣ ಮಾಸ್ಟರ್ ಅಧ್ಯಕ್ಷತೆ ವಹಿಸಿದ್ದರು. ಮುಖ್ಯೋಪಾಧ್ಯಾಯರು ಎಲ್ಲರಿಗೂ ಹೊಸವರ್ಷದ ಶುಭಹಾರೈಸಿದ್ದಾರೆ.