BREAKING NEWS

FLASH NEWS :ಮಂಜೇಶ್ವರ ಉಪಜಿಲ್ಲಾ ಶಾಲಾ ಕಲೋತ್ಸವ ಪೈವಳಿಕೆನಗರ ಸರಕಾರಿ ಹಯರ್ ಸೆಕೆಂಡರಿ ಶಾಲೆಯಲ್ಲಿ ನಡೆಯಲಿದೆ. ಅಕ್ಟೋಬರ್ 26, 28,29 ಮತ್ತು 30ಕ್ಕೆ ಸ್ಪರ್ಧೆಗಳು ನಡೆಯಲಿದ್ದು ಮಂಜೇಶ್ವರ ಉಪಜಿಲ್ಲೆಯ 90ಕ್ಕೂ ಹೆಚ್ಚು ಶಾಲೆಗಳ 2000ಕ್ಕಿಂತಲೂ ಹೆಚ್ಚು ಪ್ರತಿಭೆಗಳು ತಮ್ಮ ಪ್ರತಿಭಾ ಪ್ರದರ್ಶನ ನಡೆಸಲಿದ್ದಾರೆ. ಅಕ್ಟೋಬರ್ 26ರಂದು ವೇದಿಕೆಯೇತರ ಸ್ಪರ್ಧೆಗಳು ನಡೆಯಲಿವೆ. ಉಪಜಿಲ್ಲೆಯ ಎಲ್ಲಾ ಶಾಲೆಗಳು ಅಕ್ಟೋಬರ್ 30ರಂದು ಅಪರಾಹ್ನ 5 ಗಂಟೆಯ ಒಳಗಾಗಿ ಕಲೋತ್ಸವ ಸೋಫ್ಟ್ ವೇರಿನಲ್ಲಿ ತಮ್ಮ ವಿದ್ಯಾರ್ಥಿಗಳ ವಿವರಗಳನ್ನು ದಾಖಲಿಸಬೇಕಾಗಿದೆ. **********
ಪೈವಳಿಕೆನಗರ ಶಾಲೆಯಲ್ಲಿ ಹಲಸಿನ ಮೇಳ

ಪೈವಳಿಕೆನಗರ: ಆರೋಗ್ಯಕರ ಆಹಾರ ಎಂಬ ಉದ್ದೇಶದೊಂದಿಗೆ ಪೈವಳಿಕೆನಗರ ಸರಕಾರಿ ಹಯರ್ ಸೆಕೆಂಡರಿ ಶಾಲೆಯಲ್ಲಿ ಹಲಸಿನ ಮೇಳ ಜರಗಿತು. ಶಿಕ್ಷಕಿ ಗುಲಾಬಿ ಕಂಪದಮೂಲೆ ಅವರು ಒದಗಿಸಿದ ಹಲಸಿನಕಾಯಿಗಳನ್ನು ಶಾಲಾ ಮಧ್ಯಾಹ್ನದೂಟದ ಉಪಯೋಗಕ್ಕೆ ಸೊಳೆ ಬೇರ್ಪಡಿಸಿ ಉಪ್ಪಿನಲ್ಲಿ ಹಾಕಿಡಲಾಯಿತು. ಶಿಕ್ಷಕ ಬೆನ್ಝೀರ್ ನೇತೃತ್ವ ನೀಡಿದರು.
ಪೈವಳಿಕೆನಗರ ಶಾಲೆಯಲ್ಲಿ ಮಾಹಿತಿ ವಿನಿಮಯ ತಂತ್ರತ್ಝಾನ ರಸಪ್ರಶ್ನೆ


ಪೈವಳಿಕೆನಗರ: ಪೈವಳಿಕೆನಗರ ಸರಕಾರಿ ಹಯರ್ ಸೆಕೆಂಡರಿ ಶಾಲೆಯಲ್ಲಿ ಮಾಹಿತಿ ತಂತ್ರಜ್ಞಾನ ಕ್ಲಬ್ಬಿನ ಆಶ್ರಯದಲ್ಲಿ ನಡೆದ ಮಾಹಿತಿ ವಿನಿಮಯ ತಂತ್ರಜ್ಞಾನ ರಸಪ್ರಶ್ನೆಯಲ್ಲಿ 9ಎ ತರಗತಿಯ ಗೌತಮ್ ಪ್ರಥಮ, 8ಸಿ ತರಗತಿಯ ಮೊಹಮ್ಮದ್ ಮುಬಾರಕ್ ದ್ವಿತೀಯ, 8ಸಿ ತರಗತಿಯ ವಿಕಾಸ್ ಪಿ ಎಸ್ ತೃತೀಯ ಸ್ಥಾನಗಳಿಸಿದ್ದಾರೆ. 58 ವಿದ್ಯಾರ್ಥಿಗಳು ಭಾಗವಹಿಸಿದ ರಸಪ್ರಶ್ನೆಗೆ ಕ್ಲಬ್ ಸಂಚಾಲಕ ಚಂದ್ರಶೇಖರ ಡಿ ನೇತೃತ್ವ ನೀಡಿದರು. ಶಿಕ್ಷಕರಾದ ರೈನ ಇನೆಟ್ ಡಿಸೋಜ, ಚೇತನ, ಅಭಿಜಾತ್ ಸಹಕರಿಸಿದರು.
ಪೈವಳಿಕೆನಗರ ಶಾಲೆಯಲ್ಲಿ ಪ್ರತಿಧ್ವನಿ ಬಿಡುಗಡೆ


ಪೈವಳಿಕೆನಗರ: ಪೈವಳಿಕೆನಗರ ಸರಕಾರಿ ಹಯರ್ ಸೆಕೆಂಡರಿ ಶಾಲೆಯ ಯುಪಿ ಕನ್ನಡ ವಿಭಾಗದ ಮುದ್ರಿತ ಮಾಸಪತ್ರಿಕೆ ಪ್ರತಿಧ್ವನಿಯ ಜುಲೈ ಸಂಚಿಕೆಯನ್ನು ಶಾಲಾ ಮುಖ್ಯ ಶಿಕ್ಷಕರಾದ ಶ್ರೀ ಇಬ್ರಾಹೀಂ ಬುಡ್ರಿಯ ಬಿಡುಗಡೆಗೊಳಿಸಿದರು. ಮುಖ್ಯ ಸಂಪಾದಕ ಶ್ರೀ ಪ್ರವೀಣ್ ಕನಿಯಾಲ ಉಪಸ್ಥಿತರಿದ್ದರು.
ಪೈವಳಿಕೆನಗರ ಶಾಲೆಯಲ್ಲಿ ವಿಶ್ವ ಹದಿಹರೆಯ ದಿನಾಚರಣೆ


ಪೈವಳಿಕೆನಗರ: ಕೇರಳ ಸರಕಾರದ ಮಹಿಳಾ ಮತ್ತು ಮಕ್ಕಳ ಕಲ್ಯಾಣ ಇಲಾಖೆಯ ಆಶ್ರಯದಲ್ಲಿ ಪೈವಳಿಕೆ ನಗರ ಸರಕಾರಿ ಹಯರ್ ಸೆಕೆಂಡರಿ ಶಾಲೆಯಲ್ಲಿ ವಿಶ್ವ ಹದಿಹರೆಯ ದಿನ ಆಚರಿಸಲಾಯಿತು. ಹಿರಿಯ ಶಿಕ್ಷಕರಾದ ರವೀಂದ್ರನಾಥ್ ಕೆ ಆರ್ ಕಾರ್ಯಕ್ರಮದ ಅಧ್ಯಕ್ಷತೆ ವಹಿಸಿದ್ದರು. ಬಾಯಾರು ಪ್ರಾಥಮಿಕ ಆರೋಗ್ಯ ಕೇಂದ್ರದ ಹೆಲ್ತ್ ನರ್ಸ್ ಮೋಲಿ ಥೋಮಸ್ ಮತ್ತು ಪ್ರಸನ್ನ ವಿದ್ಯಾರ್ಥಿಗಳಿಗೆ ತರಗತಿ ನಡೆಸಿದರು. ಐಸಿಡಿಎಸ್ ಸೂಪರ್‍ವೈಸರ್ ಅಜಿತ ವಿದ್ಯಾರ್ಥಿಗಳ ವಿಶೇಷಾಂಕವನ್ನು ಬಿಡುಗಡೆಗೊಳಿಸಿದರು. ದಿನಾಚರಣೆಯ ಅಂಗವಾಗಿ ನಡೆಸಿದ ಸ್ಪರ್ಧೆಯಲ್ಲಿ ವಿಜೇತರಾದ ವಿದ್ಯಾರ್ಥಿಗಳಿಗೆ ಬಹುಮಾನ ವಿತರಿಸಲಾಯಿತು. ಕನ್ನಡ ಕಳಾರಚನೆಯಲ್ಲಿ ನಿಧಿ ಎ ಪ್ರಥಮ, ಹರ್ಷಲತ ಎಸ್ ದ್ವಿತೀಯ, ಮಲಯಾಳ ಕಥಾರಚನೆಯಲ್ಲಿ ಕದೀಜತ್ ಅಮೀಮ ಪ್ರಥಮ, ಶಾನಿಮ ದ್ವಿತೀಯ ಸ್ಥಾನಗಳಿಸಿದ್ದಾರೆ. ಶಾಲಾ ಕೌನ್ಸೆಲಿಂಗ್ ಟೀಚರ್ ಮಮತ ನೇತೃತ್ವ ನೀಡಿದರು. ಶಿಂಜಿ ಉಪಸ್ಥಿತರಿದ್ದರು.



ಪೈವಳಿಕೆನಗರ ಶಾಲೆಯಲ್ಲಿ ಸ್ತನ್ಯಪಾನ ದಿನಾಚರಣೆ


ಪೈವಳಿಕೆನಗರ: ಪೈವಳಿಕೆನಗರ ಸರಕಾರಿ ಹಯರ್ ಸೆಕೆಂಡರಿ ಶಾಲೆಯಲ್ಲಿ ಸ್ತನ್ಯಪಾನ ದಿನಾಚರಣೆ ನಡೆಯಿತು. ಸ್ತನ್ಯಪಾನದ ಮಹತ್ವದ ಬಗ್ಗೆ ಪೋಸ್ಟರ್ ರಚನಾ ಸ್ಪರ್ಧೆ ನಡೆಯಿತು. ಸ್ಪರ್ಧೆಯಲ್ಲಿ 9ಎ ಪ್ರಥಮ, 9ಸಿ ದ್ವಿತೀಯ, 8ಎ ತೃತೀಯ ಸ್ಥಾನಗಳಿಸಿತು. ವಿದ್ಯಾರ್ಥಿಗಳಿಗೆ ಪೋಸ್ಟರ್ ಪ್ರದರ್ಶನ ಏರ್ಪಡಿಸಲಾಯಿತು. ಶಾಲಾ ಕೌನ್ಸಿಲರ್ ಮಮತ ನೇತೃತ್ವ ನೀಡಿದರು.
ಪೈವಳಿಕೆನಗರ ಶಾಲೆಯಲ್ಲಿ ವಿಜ್ಞಾನ ಚಟುವಟಿಕೆ


ಪೈವಳಿಕೆನಗರ: ಪೈವಳಿಕೆನಗರ ಸರಕಾರಿ ಹಯರ್ ಸೆಕೆಂಡರಿ ಶಾಲೆಯಲ್ಲಿ ವಿಜ್ಞಾನ ಕ್ಲಬ್ ಆಶ್ರಯದಲ್ಲಿ ವಿವಿಧ ವಿಜ್ಞಾನ ಪ್ರಯೋಗಗಳು ನಡದವು. ಸಂಘದ ಸಂಚಾಲಕರಾದ ಶ್ರೀ ಕೃಷ್ಣಮೂರ್ತಿ ಎಂ ಎಸ್ ನೇತೃತ್ವ ನೀಡಿದರು
ಪೈವಳಿಕೆನಗರ ಶಾಲೆಯಲ್ಲಿ ವಿಶ್ವ ಜನಸಂಖ್ಯಾ ದಿನಾಚರಣೆ


ಪೈವಳಿಕೆನಗರ: ಪೈವಳಿಕೆನಗರ ಸರಕಾರಿ ಹಯರ್ ಸೆಕೆಂಡರಿ ಶಾಲೆಯಲ್ಲಿ ವಿಶ್ವ ಜನಸಂಖ್ಯಾ ದಿನಾಚರಣೆ ನಡೆಯಿತು. ಮುಖ್ಯ ಶಿಕ್ಷಕ ಇಬ್ರಾಹಿಂ ಬುಡ್ರಿಯ ಕಾರ್ಯಕ್ರಮ ಉದ್ಘಾಟಿಸಿ ಮಾತನಾಡಿದರು. ಹಿರಿಯ ಶಿಕ್ಷಕ ರವೀಂದ್ರನಾಥ್ ಕೆ ಆರ್, ಶುಭಾಶಂಸನೆಗೈದರು. ಅಬ್ದುಲ್ ಲತೀಫ್ ಕೊಕ್ಕೆಚಾಲ್, ಅಶ್ರಫ್ ಮತ್ರ್ಯ, ಜಯಲಕ್ಷ್ಮಿ ಉಪಸ್ಥಿತರಿದ್ದರು. ಮಾನವಸಂಪನ್ಮೂಲಗಳ ಸದುಪಯೋಗ ಎಂಬ ವಿಷಯದಲ್ಲಿ ಪ್ರಬಂಧ ಸ್ಪರ್ಧೆ ಜರಗಿತು.