GHSS PAIVALIKENAGAR 11018

ಮಂಜೇಶ್ವರ ಉಪಜಿಲ್ಲಾ ರಸಪ್ರಶ್ನೆ ವಿಜೇತ ಅಜಯ್

ಪೈವಳಿಕೆನಗರ, ಸೆ.22 : ಮಂಜೇಶ್ವರ ಉಪಜಿಲ್ಲಾ ಗಣಿತ ಕ್ಲಬ್ ಅಸೋಸಿಯೇಶನ್ ನೇತೃತ್ವದಲ್ಲಿ ಉಪಜಿಲ್ಲಾ ಮಟ್ಟದ ಗಣಿತ ರಸಪ್ರಶ್ನೆ ಮಂಗಲ್ಪಾಡಿ ಸರಕಾರಿ ಹಯರ್ ಸೆಕೆಂಡರಿ ಶಾಲೆಯಲ್ಲಿ ಸೆಪ್ಟೆಂಬರ್ 22 ಮಂಗಳವಾರ ನಡೆಯಿತು. ಬೆಳಗ್ಗೆ ಎಲ್ ಪಿ ಹಾಗೂ ಯುಪಿ, ಅಪರಾಹ್ನ ಹೈಸ್ಕೂಲ್ ಮತ್ತು ಹಯರ್ ಸೆಕೆಂಡರಿ ವಿಭಾಗದ ಸ್ಪರ್ಧೆಗಳು ನಡೆದವು. ಹಯರ್ ಸೆಕೆಂಡರಿ ವಿಭಾಗದ ಸ್ಪರ್ಧೆಯಲ್ಲಿ ಪೈವಳಿಕೆನಗರ ಸರಕಾರಿ ಹಯರ್ ಸೆಕೆಂಡರಿ ಶಾಲೆಯ ಪ್ಲಸ್ ಟು ವಿಜ್ಞಾನ ವಿದ್ಯಾರ್ಥಿ ಅಜಯ್ ಕುಮಾರ್ ಪ್ರಥಮ ಸ್ಥಾನ ಪಡೆದು ಜಿಲ್ಲಾ ಮಟ್ಟದ ಸ್ಪರ್ಧೆಗೆ ಆಯ್ಕೆಯಾಗಿದ್ದಾನೆ. ಕಳೆದ ವರ್ಷ ಕೂಡಾ ಅಜಯ್ ಉಪಜಿಲ್ಲಾ ಮಟ್ಟದಲ್ಲಿ ಪ್ರಥಮ ಸ್ಥಾನಗಳಿಸಿದ್ದನು. ಈತನ ಸಾಧನೆಗೆ ಪೈವಳಿಕೆನಗರ ಸರಕಾರಿ ಹಯರ್ ಸೆಕೆಂಡರಿ ಶಾಲಾ ರಕ್ಷಕ ಶಿಕ್ಷಕ ಸಂಘ ಅಭಿನಂದನೆಗಳನ್ನು ಸಲ್ಲಿಸಿದೆ. ಗಣಿತ ಪ್ರತಿಭೆ ಅಜಯ್ ನಿಗೆ ಪೈನಗರ್ ವಿಷನ್ ಬಳಗ ತುಂಬು ಹೃದಯದ ಅಭಿನಂದನೆಗಳನ್ನು ಸಲ್ಲಿಸುವುದು. (ಪೈನಗರ್ ವಿಷನ್ ಹಯರ್ ಸೆಕೆಂಡರಿ ಬ್ಯೂರೋ ವರದಿ)