GHSS PAIVALIKENAGAR 11018

ಪುಸ್ತಕ ಬಿಡುಗಡೆ ಸಮಾರಂಭ

ಪೈವಳಿಕೆನಗರ, ನ.9: ಪೈವಳಿಕೆನಗರ ಸರಕಾರಿ ಹಯರ್ ಸೆಕೆಂಡರಿ ಶಾಲೆಯ 10ಸಿ ತರಗತಿಯಲ್ಲಿ ತಾಯಿ ಮತ್ತು ಮಗಳ ಸಂಬಂಧವನ್ನು ಬಿಂಬಿಸುವ ಸಾಕಷ್ಟು ಜನಪದ ಗೀತೆ, ಭಾವಗೀತೆಗಳನ್ನು ಸಂಗ್ರಹಿಸಿ ತಯಾರಿಸಿದ ಪುಸ್ತಕ ಬಿಡುಗಡೆ ಸಮಾರಂಭವು 10ಸಿ ತರಗತಿಯ ಸಭಾಂಗಣದಲ್ಲಿ ಜರಗಿತು. ಶ್ರೀಮತಿ ಶಶಿಕಲಾ ಟೀಚರ್ ಕಾರ್ಯಕ್ರಮದ ಅಧ್ಯಕ್ಷತೆ ವಹಿಸಿದ್ದರು. ಹಯರ್ ಸೆಕೆಂಡರಿ ವಿಭಾಗದ ಉಪನ್ಯಾಸಕರಾದ ಶ್ರೀ ನಾರಾಯಣ ರಾವ್ ಅವರು ಪುಸ್ಕತ ಬಿಡುಗಡೆ ಮಾಡಿ ಮಾತನಾಡಿದರು. ಶ್ರೀಮತಿ ಶರಣ್ಯ, ಶ್ರೀಮತಿ ರೈನಾ, ಶ್ರೀಮತಿ ಶ್ರೇಯಾ, ಶ್ರೀ ಚಂದ್ರಶೇಖರ ಕಾರ್ಯಕ್ರಮಕ್ಕೆ ಶುಬಾಶಂಸನೆಗೈದರು. ಶ್ರೇಯಾ ಟೀಚರ್ ಜನಪದ ಗೀತೆಯನ್ನು ಹಾಡಿದರೆ ಪೈನಗರ್ ವಿಷನ್ ಪ್ರತಿನಿಧಿ ಹಾಗೂ ಉದಯೋನ್ಮುಖ ಹಿನ್ನಲೆ ಗಾಯಕ  ದುರ್ಗಾಪ್ರಸಾದ್ ಜೆ ಪುಸ್ತಕದಲ್ಲಿರುವ ಒಂದು ಸುಂದರ ಗೀತೆಯನ್ನು ಹಾಡಿದರು. ಜ್ಯೋತಿ ಬಿ ಸ್ವಾಗತಿಸಿ ದೀಕ್ಷಿತಾ ಟಿ ವಂದಿಸಿದರು. ಪ್ರಣೀತಾ ಪಿ ಕಾರ್ಯಕ್ರಮ ನಿರ್ವಹಿಸಿದರು. ರಮ್ಯ ಎಸ್ ಹಾಗೂ ಪ್ರಣೀತಾ ಪಿ ಪ್ರಾರ್ಥನೆ ಹಾಡಿದರು.(ಪ್ರಜ್ವಲ್ ಎ 10ಸಿ ತರಗತಿ)

9ಎ ತರಗತಿಯಲ್ಲಿ ನಾಟಕೋತ್ಸವ

ಪೈವಳಿಕೆನಗರ, ನ.7: ಪೈವಳಿಕೆನಗರ ಸರಕಾರಿ ಹಯರ್ ಸೆಕೆಂಡರಿ ಶಾಲೆಯ 9ಎ ತರಗತಿಯಲ್ಲಿ ಮಧ್ಯಾಹ್ನ 12.15ಕ್ಕೆ ಸರಿಯಾಗಿ ನಾಟಕೋತ್ಸವ ಜರಗಿತು. ಲಿಸನ್ ಟು ದ ಮೌಂಟೈನ್ ಎಂಬ ಆಂಗ್ಲ ಭಾಷೆಯ ನಾಟಕವನ್ನು ಪ್ರದರ್ಶಿಸಲಾಗಿತ್ತು. ಎರಡು ತಂಡಗಳು ನಾಟಕ ಸ್ಪರ್ಧೆಗೆ ತಯಾರಾಗಿದ್ದರು. ಯಾವುದು ಉತ್ತಮ ತಂಡ ಎಂಬ ಪ್ರಶ್ನೆಗೆ ಉತ್ತರವಿಲ್ಲದೆ ಎಲ್ಲರೂ ನಾಟಕವನ್ನು ಮೌನವಾಗಿ ವೀಕ್ಷಿಸಿದರು. ನಾಟಕ ಅಭಿನಯಿಸಿದ ಎರಡೂ ತಂಡಗಳನ್ನು ಶರಣ್ಯ ಟೀಚರ್ ಅಭಿನಂದಿಸಿದರು. ಈ ನಾಟಕವು ವಿದ್ಯಾರ್ಥಿಗಳಲ್ಲಿ ಪರಿಸರ ಜ್ಞಾನ ಮತ್ತು ಪ್ರಕೃತಿಯ ರಕ್ಷಣೆಯ ಹೊಣೆಯನ್ನು ಅರಿಯುವುದಕ್ಕೆ ಪ್ರೇರಣೆಯಾಯಿತು. ಕಾಡೇ ನಾಡಿನ ಸಂಪತ್ತು(ವೈಭವಿ ಕೆ ಆರ್ 9ಎ ತರಗತಿ)

ಮಂಜೇಶ್ವರ ಉಪಜಿಲ್ಲಾ ಮಟ್ಟದ ಕ್ರೀಡಾಕೂಟದ ಪಲಿತಾಂಶಗಳು

ಪೈವಳಿಕೆನಗರ, ನ.4: ಮಂಜೇಶ್ವರ ಉಪಜಿಲ್ಲಾ ಮಟ್ಟದ ಕ್ರೀಡಾಕೂಟದಲ್ಲಿ ಪೈವಳಿಕೆನಗರ ಶಾಲಾ ವಿದ್ಯಾರ್ಥಿಗಳು ಉತ್ತಮ ಸಾಧನೆ ಮಾಡಿದ್ದಾರೆ. ಕಿಡ್ಡೀಸ್ ಹುಡುಗಿಯರ 100ಮೀಟರ್ ಓಟದಲ್ಲಿ 7ಬಿ ತರಗತಿಯ ಆಯಿಷತ್ ನೆಸೀರಾ ತೃತೀಯ, ಹುಡುಗಿಯರ 4*100 ರಿಲೇ ತೃತೀಯ, ಸಬ್ ಜೂನಿಯರ್ ಹುಡುಗರ 80ಮೀಟರ್ ಹರ್ಡಲ್ಸ್ ನಲ್ಲಿ 8ಡಿ ತರಗತಿಯ ಅಫೀಸ್ ಎನ್ ತೃತೀಯ, 600 ಮೀಟರ್ ಓಟದಲ್ಲಿ 8ಸಿ ತರಗತಿಯ ಅಬ್ದುಲ್ ನೌಶಾದ್ ತೃತೀಯ, ಸಬ್ ಜೂನಿಯರ್ ಹುಡುಗಿಯರ 600ಮೀಟರ್ ಓಟದಲ್ಲಿ 8ಎ ತರಗತಿಯ ಮಲುಫಾ ದ್ವಿತೀಯ, 8ಡಿ ತರಗತಿಯ ಅಶ್ವಿನಿ ಬಿ ತೃತೀಯ, ಹೈಜಂಪ್ ನಲ್ಲಿ 8ಬಿ ತರಗತಿಯ ಆಯಿಷತ್ ಜಸೀರಾ ಪ್ರಥಮ, ಲಾಂಗ್ ಜಂಪ್ ನಲ್ಲಿ 8ಬಿ ತರಗತಿಯ ಹಲೀಮತ್ ಶಫಾ ದ್ವಿತೀಯ ಸ್ಥಾನಗಳಿಸಿದ್ದಾರೆ. ಜೂನಿಯರ್ ಹುಡುಗರ 100 ಮೀಟರ್ ಹರ್ಡಲ್ಸ್ ನಲ್ಲಿ 9ಸಿ ತರಗತಿಯ ಕಲಂದರ್ ಶಾಫಿ ದ್ವಿತೀಯ, ಜೂನಿಯರ್ ಹುಡುಗಿಯರ 100 ಮೀಟರ್ ಹರ್ಡಲ್ಸ್ ನಲ್ಲಿ 10ಎ ತರಗತಿಯ ವಿದ್ಯಾಶ್ರೀ ಜೆ ಪ್ರಥಮ, 200 ಮೀಟರ್ ಓಟದಲ್ಲಿ 9ಸಿ ತರಗತಿಯ ಖದೀಜತ್ ಅನ್ಸೀರಾ ಬಿ ತೃತೀಯ, 1500ಮೀಟರ್ ಓಟದಲ್ಲಿ 10ಬಿ ತರಗತಿಯ ಅವ್ವಮ್ಮತ್ ಸಾಹಿರಾ ಪ್ರಥಮ, 10ಎ ತರಗತಿಯ ತಮೀಝಾ ಲಾಂಗ್ ಜಂಪ್ ನಲ್ಲಿ ದ್ವಿತೀಯ, 4*100 ರಿಲೇ ದ್ವಿತೀಯ, ಸೀನಿಯರ್ ಹುಡುಗರ 100 ಮೀಟರ್ ಹರ್ಡಲ್ಸ್ ನಲ್ಲಿ ಮೊಹಮ್ಮದ್ ಜುನೈನ್ ದ್ವಿತೀಯ, 5000ಮೀಟರ್ ಓಟದಲ್ಲಿ ಮೊಹಮ್ಮದ್ ತಮೀಮ್ ದ್ವಿತೀಯ, ಅಜಯ್ ಸೇತು ತೃತೀಯ ಸ್ಥಾನಗಳಿಸಿದ್ದಾರೆ. ಸೀನಿಯರ್ ಹುಡುಗಿಯರ 3000 ಮೀಟರ್ ಓಟದಲ್ಲಿ ಶ್ರೇಯಾ ತೃತೀಯ, 100ಮೀಟರ್ ಓಟದಲ್ಲಿ ಶೇಹೀರ್ ಬಾನು ಪ್ರಥಮ, ಹೈಜಂಪ್ ನಲ್ಲಿ ಶೆಹೀರ್ ಬಾನು ಪ್ರಥಮ, 4*400 ರಿಲೇ ದ್ವಿತೀಯ, 4*100 ರಿಲೇ ಪ್ರಥಮ ಸ್ಥಾನಗಳಿಸಿದ್ದಾರೆ. ಜಯಗಳಿಸಿದ ಎಲ್ಲರಿಗೂ ಪೈನಗರ್ ವಿಷನ್ ತುಂಬು ಹೃದಯದ ಅಭಿನಂದನೆಗಳನ್ನು ಸಲ್ಲಿಸುವುದು.